UVALO KUDUTSHULWA ISISEBENZI SAKAMASIPALA WETHEKU

UVALO kudutshulwa kwalimala umsebenzi kaMasipala waseThekwini eMnyangweni wezaManzi.
Umsebenzi nozakwabo bebeye endaweni ebikiwe ukuthi inenkinga yamanzi kwa-F eMlazi, nokuyilapho bethelwe ngentululwane yezinhlavu zibhekiswe emotweni abebehamba ngayo.

Lesi senzo esishaqisayo sesenze ibamba lalomnyango uMnu Msizi Shabalala, acele amaphoyisa ukuthi apekequle kwasani ukuze kutholakale lezi zigebengu ezilibazisa intuthuko.
“Akususwe namadwala kuphenywe kutholakale lezi zephulamthetho ezenza kube nzima ukusebenza nokuthumela abasebenzi uma bezongaphephi emphakathini okuyiwo obabizile. Ngibafisela ukwelulama okusheshayo abasebenzi”, ephetha.

Kunxuswa ongaba nomkhondo abike ngokushesha emaphoyiseni