AMAZULU ADEDELE AMALUNGA AMQOKA EQENJINI

UPEDRO Dias no Simo Dladla bazoshiya Amazulu uma kuphela isizini.
ISITHOMBE: FarPost

IQEMBU lebhola lezinyawo, AmaZulu FC, seliqinisekisile ukuthi uMqondisi Wezebhola uPedro Dias kanye nomsizi womqeqeshi uSimo Dladla bazoshiya leli qembu ekupheleni kwesizini ka 2026/27 kulandela isinqumo sokungeluli izinkontileka zabo.
Lesi sinqumo siza njengengxenye yokuhlelwa kabusha kwezinhlelo zangaphakathi eqenjini, okuhloswe ngakho ukwenza kube lula ukusebenza kanye nokwakha indawo eqinile yokusebenza ehambisana nezinhlelo zesikhathi eside zeqembu.
UDias, ojoyine leli qembu ngoMandulo ka-2023, ubephethe ukubhekelela yonke imisebenzi ehlobene nebhola. Nokho, iqembu selithathe isinqumo sokuqeda lesi sikhundla ukuze kugxilwe esakhiweni esihlanganisiwe sokuphatha ibhola.
Ngakolunye uhlangothi, uDladla, ojoyine Usuthu ekuqaleni kwalesizini, unikezwe umsebenzi wakhe ngaphakathi kweqembu eliholwa ngumqeqeshi u-Arthur Zwane, ngaphambi kokujoyina AmaZulu, ubehola iDurban City wayiwinisa iligi yeMotsepe Foundation Championship.
UMengameli weqembu, uSandile Zungu, ubonge laba bobabili ngobungcweti, ukuzinikela kanye negalelo labo elibonakalayo ngesikhathi besebenza kuleli qembu.
UZungu uthe iqembu libafisela inhlanhla emisebenzini yabo yesikhathi esizayo, wengeza ngokuthi kulindeleke ukuthi baqhubeke nokusebenza ngokuzimisela kuze kube sekupheleni kwezinkontileka zabo kule sizini.