UNTULI UKHALA NGOKUTHI UBUGEBENGU BUXOSHA ABATSHALIZIMALI
UMBIKO:ZETHU PHOSWA
UNDUNANKULU waKwaZulu-Natal ukhala ngokuthi ubugebengu buxosha abatshalizimali kushiye imiphakathi enhluphekweni, yingakho kufanele kwakhiwe izinhlaka eziqinile zokulwa nobugebengu.
UNdunankulu Thamsanqa Ntuli ukusho lokhu eMayville eThekwini, ezokwethula umhlahlandlela oqinile wokulwa nobugebengu.
Ekhuluma uNtuli uthe iKZN indawo enothile ngokomnotho nangomlando, okufanele siyivikele ebugebengwini kusukela kubugebengu obunobudlova, emacaleni omnotho, udlame olubhekiswe kubulili nobunye obuningi.
Sibonga amaphoyisa ngokusebenza ngokuzikhandla kudaba lokubanjwa kwemoto yemali, eyenzeke ngoLwesibili. Obunye ubugebengu obuhlasele isifundazwe sethu esithandekayo yizimpi zamaqembu nokubulawa kwabantu abaningi okwenzeke eHlokozi, eLoskop, KwaNongoma nakwezinye izindawo eziningi,” kubeka uNtuli.
Uthi izindawo ezinobugenengu okuzogxilwa kuzo kubalwa Loskop, Inanda. KwaMashu,eNtuzuma naseMlazi