UKHALELWE AMASONGO KASIGONYELA USOTSWEBHU WE-MKP
USOTSWEBHU we-MKP okhalelwe amasongo kasigonyela namuhla. ISITHOMBE: FACEBOOK
NOMCEBO NGEMA
UKHALELWE amasongo kasigonyela uSotswebhu weqembu lo-Umkhonto Wesizwe Party (MKP), uMmabatho Nthabiseng Mokoena-Zondi ngezinsolo zenkohlakalo nokukhwabanisa.
UMmabatho kuthiwa uboshwe namuhla ekuseni eKapa, kulandela ukuthi amalunga amathathu aleli qembu emvulele icala lenkohlakalo, nelokuwaqola imali engaphezu kuka-R230 000.
Lawa malunga athi uMmabatho ubefuna ingxenye yemiholo yawo ngenkani, ukuze begcine bengamalunga ephalamende.
I-MKP ibingakaphawuli ngalolu daba.