KUQALIWE UKULUNGISWA KOMGWAQO UCRESCENT EVRYHEID

UMGWAQO olungiswayo uCrescent Road eVryheid. ISITHOMBE: ABAQULUSI MUNICIPALITY

NOMCEBO NGEMA

KUQALILE ukulungiswa komgwaqo uCrescent Road ngaseVryheid Comprehensive Secondary School, eVryheid. Lo mgwaqo ungomunye omatasa kakhulu kuleli dolobha njengoba usetshenziswa amaloli amakhulu, amabhasi, amatekisi kanye nezinye izithuthi. Lokhu kulungiswa kwawo kuyingxenye yezinyathelo zokuthi abashayeli bashayele emgwaqeni ophephile, osezingeni elihle.