KUBULAWE UMFUNDI EMAGCEKENI ESIKOLE KWA-NDENGEZI
USPHELELE Ngubane oneminyaka eyi-19 odutshulwe esikoleni omunye umfundi.IZITHOMBE: MARIANHILL NEWS
OWAMI THABETHE
USASHAQEKILE umphakathi wakwaNdengezi entshonalanga yeTheku, kulandela isigameko sokubulawa komfundi oneminyaka eyi-19 uSphelele Ngubane, odutshulwe wabulawa omunye umfundi ngaphakathi emagcekeni esikole iNdengezi High School, namuhla ngoMsombuluko, mhla zuyi-14 kuMandulo.
Kuthiwa isisulu nomsolwa babonwe bengena ndawonye esikoleni begqoke umfaniswano wesikole ofanayo, umsolwa ube esevulela ngentululwane yezinhlavu, bebhekise umufi, oshonele khona esigamekweni.
Okhulumela amaphoyisa KwaZulu-Natal, uColonel Robert Netshiunda uliqinisekisile lolu daba.
“Amaphoyisa akwaNdengezi avule icala lokubulawa komfundi emagcekeni esikole, kanti asathungatha umsolwa osagcwele amathafa okwamanje”, kusho uNetshiunda.
UMnyango weMfundo KwaZulu-Natal, ubungakaphefumuli ngalolu daba.
