UKUPHUKA KOMHLANGA KULICHILO ENTOMBINI
IZINTOMBI ebezihambele uMkhosi woMhlanga. ISITHOMBE: SPHA MBHELE
ISILO uMisuzulu kaZwelithini sithe kusho ukuchobho ukuphuka komhlanga entombini. ISITHOMBE: FACEBOOK
INDUNA yezintombi zesizwe uMningi Andile Zuma.
ISITHOMBE: ZETHU PHOSWA
AKHONA DLAMINI
ISILO uMisuzulu kaZwelithini, sithe uMkhosi woMhlanga wenzelwa ukuthi amatshitshi azolanda izibusiso zemindeni yawo, kodwa uma uke wagoba umhlanga kuchaza ukuthi kukhona elikwenzayo itshitshi okungekuhle.
ISilo sibhonge ngalokhu eMkhosini woMhlanga,
eMashobeni mhla ziyi-12 no-13 kuMandulo.
“Umhlanga olwethwa amatshitshi iwona okubiywa ngayo isigodlo. Lokho kuwuphawu lokulandela wena nomndeni wakho izibusiso. Lo mkhosi uhanjwa amatshitshi amsulwa, uma kuke kwagoba umhlanga lokho kuchaza ukuthi itshitshi kukhona elikwenzayo okungalungile, okanye okufanele likulungise, ” kubhonga iSilo.
INduna yezintombi zesizwe uMningi Zuma, eqale ukuhambela lo mkhosi ngonyaka ka2012, ithe ukugawulwa komhlanga kuyena kuchaza ubuNgcwele ngoba kuyaqikelelwa ukuthi kuhamba abantu abaNgcwele.
” IMbube yayithi ukugawulwa komhlanga yikhona okuyisisekelo somcimbi, ngoba uma kukhona izintombi ezigawula umhlanga zinogcobho umcimbi uvame ukungabi impumelelo,” esho.
