I-IFP IGAWULE KWI-EFF KWAZULU-NATAL

UMBIKO: ZETHU PHOSWA

BATHE ncinci kamjoli abe- Inkatha Freedom Party bemukela amalungu ayi-150, okuyilapha kucace bha ukuthi cha i-IFP ibiqonde ukucoboshiya kwi-EFF, ekubeni ixhuga vele.
Lo mcimbi wokwamukela ngokusemthethweni lawa malungu, kwenziwe ehotela eDurban Manor eThekwini.
UMnuz Thami Ntuli owuSihlalo we-IFP KwaZulu-Natal ubonge izishoshovu ze-IFP, ukwenza umsebenzi omuhle ephakathini. Okuyikhona okuhehe lawa malunga.
“ Lokhu kuwuphawu lokuzinikezela kwabo ekutheni bazoyisebenzela ngokuthembeka i-IFP. Kuthina IFP lokhu kuusho ukukhula kweqembu kulesi sifundazwe. Sethemba ukuthi umsunguli waleli qembu uDkt Mangosuthu Buthelezi ongasekho, uthokozile ngalokhu,” kusho uMnuz Ntuli.
IFP ithole amalunga e-EFF okubalwa uMnuz Tholinhlanhla Mthiyane oke waba ikhansela le-IFP, uNksz Lungelo Khumalo. UMnuz Phumlani Gumede noNksz Zanele Biyela namanye.
Kulaba abamukeliwe bekukhona oqhamuka kwiDA nakwi-ATM