UZOBONAKALA KWI-PRE EASTER OWABA KWI-JOYOUS EMNCANE
UMBIKO : BUSISIWE ZONDI
UNYELWE yinyoni esandleni uMphathiseni Dube (20) oqokwe kwinhlolokhono yekhwaya ezobe iyingxenye yomcimbi waminyaka yonke obizwa nge Pre Easter Gospel Music Festival. UMphathiseni ongowaseLindelani, akaqali ukuthola ithuba eliyingqayizivele. Uke wanqoba umncintiswano iGospel Icon, wathathwa uThina Zungu emkhulisa ngokomculo waze waba yingxenye ye Joyous Celebration.
Manje uMphathiseni useyingxenye yekhwaya i-YES I CAN (Yebo Ngingakwazi), ezobe ihambisana nabaculi abadumile emcimbini i-Pre Easter Gospel Music Festival ohlelwe yi-Ga Music Production.
Lo mcimbi uzoba mhlaka 12 kuMbasa eJesus Dome (DCC) Mayville, eThekwini.
Uzoqala ngo 4 ntambama, kanti ukubala abaculi abambalwa abazobonakala kuwo, singabala uJabu Hlongwane, uMthunzi Namba, uSbu Noah, uNtokozo Mkhize, uSneziey, uPhuthuma Tiso, nabanye.
Amathikithi asatholakala, kanti ahamba ngesikhulu isivinini.