OXOSHWE I-SUNDOWNS USEVUMBUKA ETHEKWINI
UMBIKO: MABUNHLE MLABA
USETHOLE ikhaya elisha oxoshwe iMamelodi Sundowns, uWendell Robinson osezoba umqeqeshi wonozinti kuMaZulu FC.
URobinson ongowokudabuka eWentworth eThekwini, ubesehlale iminyaka engaphezulu kweyishumi kwiSundowns lapho enqobe khona inqwaba yezicoco, okubalwa kuzo nese-CAF Champions League ngo-2016.
Useke wasebenza neqembu lesizwe lika Under 23. Abaningi bancoma ikhono lakhe ngokucija uDennis Onyango ngeqophelo eliphezulu kwiSundowns. URobinson ujoyina AmaZulu nje asanda kwehlukana noVusimuzi “Kanu” Vilakazi obeqeqesha ngokulekelelana no-Arthur Zwane . Ngokwesitatimende esikhishwe Usuthu uRobinson uzothatha indawo ka-Aubrey Vilakazi oshiye lesi sikhundla wakhala ukuxinwa izinto zangasese.