UGWETSHWE UDILIKAJELE OWABULALA IPHOYISA KWADUKUZA

INKANTOLO ephakeme yaseThekwini igwebe owabulala iphoyisa. ISITHOMBE: FACEBOOK

NOMCEBO NGEMA

INKANTOLO ephakeme yaseThekwini igwebe udilikajele neminyaka engama-40 ebhadla ejele uPhilakahle Dladla oneminyaka engama-28 ubudala, ngecala lokuphanga kuhlonyiwe nokubulala iphoyisa lomgwaqo eGroutville, KwaDukuza ngonyaka ka-2024 kuLwezi.

Kubikwa ukuthi uBheki Xulu noNtokozo Shangase babebanjwa inkunzi, okwagcina kubulawa uMariemuthoo Arumugan owayeyiphoyisa kuMasipala wakwaDukuza, owadutshulwa ekhanda nase Ntanyeni, ngesikhathi ezithela phezu kwesigameko sokubanjwa inkunzi kukaXulu noShangase.

Inkantolo igwebe uDladla udilikajele ngecala lokubulala, iminyaka eyi-15 ngecala lokuphanga kuhlonyiwe, iminyaka eyisi-5 yokuphatha isibhamu esingekho emthethweni, neminye eyi-5 yokuphatha izinhlamvu ezingekho emthethweni.