OWE-GCWALISA NAMAQHINGA OKUFUQA ABACULI NGOLWAZI
KHUZANI ‘Indlamlenze’ Mpungose. :ISITHOMBE :SITHUNYELWE
AKHONA DLAMINI
ABAHLELI beGcwalisa Spring Picnic beze nonyawo olusha kulo nyaka, kulandela ukufaka eyokucobelela ngolwazi abaculi abasafufusa.
Indlamlenze Development Foundation, ngokubambisana neDowntown Music Publishing, ihlele ukubambe owokucobela ngolwazi iMusic Industry Workshop kanye ngesithangami sabezindaba, namuhla eHilton Hotel eThekwini.
Lo mcimbi uzokwandulela iGcwalisa Spring Picnic All White ezoba mhla ziyi-08 kuLwezi 2025 eHollywoodbets ,Kings Park Outer Fields.
“Okugqamile kulo nyaka wukwethulwa kweMusic Industry Workshop, ehlose ngayo ukukhulisa nokuqinisa ulwazi lwabaculi abasafufusa nabasunguliwe mayelana nebhizinisi lomculo. Sizobacobelela ngamalungelo obunikazi, nokuphathwa wezimali, “ kusho abe Ndlamlenze Development Foundation. Iphinde yanikeza ithuba lokuxhumana phakathi kwabaculi nochwepheshe bemboni.