KUNQATSHELWE AMAPHOYISA AKULELI UKUYOPHENYA NGOKUFA KUKA-MTHETHWA
UMNUZ Nathi Mthethwa obeyiNxusa lakuleli eFrance ofihlwe ngoMfumfu. ISITHOMBE: DIRCO
NOMCEBO NGEMA
SEKUQUBUKE imibuzo kwabaningi ukuthi kungani izikhulu zase-France zinqabele ithimba lamaphoyisa akuleli, elijutshiwe ukuthi liyophenya ngokushona kuka-Nathi Mthethwa obeyiNxusa lakuleli kuleliya lizwe.
Okhulumela amaphoyisa akuleli uBrigadier Athlenda Mathe, uthi imizamo yabo yokuthi izithunywa zabo eziyi-5 ayiphumelelanga, njengoba iFrance iveze ukuthi amaphoyisa abo enza umsebenzi oncomekayo futhi anele ukwenza okufanelekile.
Uthi ulwazi alukhiphile okwamanje athi imininingwane ekhona yiyo le yokuthi uMthethwa wazibulala.
Kuzokhumbuleka ukuth kwatholakala umzimba kaMnuz Mthethwa usubanda ngasekupheleni kukaMandulo, okusolwa ukuthi wazibulala waphuma ngewindi esuka phezulu ehhotela ku-22nd floor waze wayoshayeka phansi, eHyatt Regency Paris Etoile Hotel.