AMAPHOYISA ASEZITHENDENI ZOMBULALI KA-DJ WARRAS
UDJ Warras odutshulwe wabulawa ngoLwesibili enkabeni yedolobha eGoli. Isithombe: Facebook.
NOMCEBO NGEMA
AKUSENSUKU zatshwala zibakhalele abasolwa abadubule babulala uDJ Warras, njengoba amaphoyisa esezithendeni zabo.
Lokhu kuvezwe uKhomishana wamaPhoyisa kuzwe lonke uGen Fannie Masemula, othe umbulali useyaziwa nalaba ayehamba nabo.
Uveze ukuthi zizomkhalela maduze njengoba amaphoyisa esezithendeni.
Ukusho lokhu ngesikhathi kuqhubeka inkonzo yesikhumbuzo sikaDj Warras eSandton, eGoli.
Lokhu kuza ngemuva kokuthi amaphoyisa esebenze ngokuzikhandla ukuthola umfanekiso we-CCTV, ngemva kwesigameko sokudutshulwa kubulawe Dj Warras ngoLwesibili, eCarlton Centre eGoli.
UMasemula usho nokuthi amaphoyisa asebenza ngokuzikhandla njengoba sekuseduze kuboshwe nabathinteka emacaleni ahlanganisa elokubulawa kukafakazi weKhomishini kaMadlanga uMarius van der Merwe.
UVan der Merwe wadutshulwa wabulawa ngaphandle komuzi wakhe eBrakpan mhla zi-5 kuZibandlela phambi komndeni wakhe.