UQOKELWE KWESOKUQONDISA USHONGWE KWICHIEFS

UBHEKI Shongwe uqokwe esikhundleni esiphezulu kwesokuqondisa eqenjini leKaizer Chiefs.ISITHOMBE: Kaizer Chiefs FC

MALIBONGWE MAZIBUKO

IKaizer Chiefs isimemezele ngokusemthethweni ukuqokwa kukaMnuz Bheki Shongwe njengoGroup Chief Executive Officer omusha weqembu, kusukela kulenyanga kaNhlaba 2026.UShongwe akayena umuntu omusha emndenini waMakhosi, njengoba eke wasebenza njenge non-executive director ekomidini labaqondisi ngesikhathi eqhubeka nokuphatha amabhizinisi akhe.

Uphinde wasebenza njengoManaging Director weqembu phakathi kuka-2009 no-2012, okumenza abe nolwazi olunzulu ngokusebenza kulomkhakha.Esikhundleni sakhe esisha, uShongwe uzobhekelela ukusebenza kwansuku zonke kwekilabhu, ebika kuSihlalo uKaizer Motaung nekomidi labaqondisi, aphinde asebenzisane nezinhloko zeminyango ehlukene. Uzophinde asize uMotaung ekuqhubekiseni ukusebenza weqembu, ukuze iqhubeke nokuphumelela ngaphakathi nangaphandle kwenkundla.IKaizer Chiefs bamukele ngokufudumele ukubuyela kukaShongwe kuMkhosi. Bamfisela impumelelo kulesi sikhundla esisha, njengoba iqembu liqhubeka nokwakha phezu komlando walo oziqhenyayo weminyaka engu-56.

IKaizer Chiefs izolibangisa amabombo eThekwini ukuyobhekana na-Amazulu FC eMoses Mabhida Stadium ngomgqibelo mhlaziyi-16 kuNhlaba ngehora lesithathu kowephezulu.