ISASASA KUCEKELWA PHANSI IZIBHAMU

UMBIKO: AKHONA DLAMINI

KUCEKELWE phansi izibhamu ezingekho emthethweni, ebezishaqwa kubantu eNingizimu Afrika.
Amaphoyisa (SAPS) acekele phansi izibhamu ezibalelwa ku-16 049 eVanderbijlpar.
Kule nqwaba kubalwa kuzo izibhamu ezahlukene nezinhlamvu.
‘Lezi zibhamu zingxenye yezibhamu nezinhlamvu ezishaqwe, ngesikhathi kumikhankaso wamaphoyisa i-Oparation Shanela.
Ezinye izibhamu zixhumene namacala asephothuliwe ahlobene nodlame olubhekiswe kwabesifazane nezingane, ukugetshengwa kwezimoto ezithwala imali (CIT) nezibhamu ezalethwa ngabanikazi ngokuthanda kwabo. Nalezi ezalethwa ngesikhathi sikashwele,” echaza.
Uthi lezi zibhamu sezike zahlolwa i-IBIS ukuze kutholakale ukuthi azihlangene yini nobunye ubugebengu obenziwa.
IPhini likaKhomishana Kazwelonke Wezamaphoyisa, uLieutenant General Tebello Mosikili uyena obehola loluhlelo lokucekelwa phansi kwezibhamu.