UBUTHELEZI UNCOME UMSEBENZI OMUHLE OWENZIWA I-PKTT
INKOSI Siphamandla Khumalo owabulawa noNdlunkulu uThuthukile Khumalo ngonyaka ka-2023. ISITHOMBE: KZNCOGTA
NOMCEBO NGEMA
UNGQONGQOSHE woMnyango weZokubusa ngokuBambisana neZindaba zoMdabu KwaZulu-Natal, uMfundisi Thulasizwe Buthelezi, ushayela ihlombe umsebenzi omuhle owenziwa uPhiko lwaMaphoyisa alwa nokubulawa kosopolitiki, iPolitical Killings Task Team (PKTT), kulandela ukuboshwa komsolwa, osolwa ngokubulala iNkosi Siphamandla Khumalo kanye noNdlunkulu uThuthukile Khumalo ngoMfumfu ngonyaka ka-2023, e-Utrecht.
Lo msolwa oneminyaka engama-29 ubudala uboshwe izolo uPhiko lwe-PKTT, ubhekene namacala amabili okubulala kanye nelilodwa lokuzama ukubulala.
“Ngicela amalunga omphakathi aqhubeke abambisane namaphoyisa, ukulwa nesihlava sokuhlaselwa kwamakhosi kanye nezinduna. Ukusebenzisana komphakathi namaphoyisa yikhona okuletha ukuphepha kanye nozinzo emphakathini,” kusho uNgqongqoshe uButhelezi.