IKHANSELA LISUKUMELE EYOKULWA NEZIDAMIZWA EZIKOLENI

UMBIKO: ZETHU PHOSWA

UKUDLANGA kwezidakamizwa, ukungaziphathi kahle kwabafundi okubandakanya ukulwa nokulwisa othisha, sekuholele ekutheni ikhansela lisukumele phezulu ngokuxwayisa abafundi.
UCllr Thamsanqa Mthiyane wakuwadi 19 eSkhawini ngaphansi koMhlathuze, uthi udlame ezikoleni lucekela ikusasa labafundi, yingakho beqoke ukuyoxwayisa ngobugebengu.
Sibone kukuhle sibambisane nezinhlaka ezahlukene okubalwa amaphoyisa SAPS Esikhawini , ikomidi elilwisana nobugebengu (CPF) nenduna yesizwe uBaba Mkhize, siyaxwayisa ngobugebengu.
“Sivakashele UMdlamfe High School ngenhloso yokuqwashisa abafundi ngobugebengu. Intsha iyona esingene yagamanxa ebugebengwini,” esho.
Unxusa nezinye izinhlaka zomphakathi zisize mayelana namaqembu ashaya ingoma ezingane zesikole, okuyiwo abhebhethekisa udlame ezikoleni.
‘ Siyakhuza ukuthi
abafundi bangazibandakanyi nezinto eziphambene nomthetho. Ukulwa kwabafundi yikona okugcina kuholele empini yezigodi, lokho okugcina kuphazamise ukufunda,” esho.