BAZOVELA MADUZE ENKANTOLO ABASOLWA ABAKLABHE IPHOYISA NGEMBAZO
LISINDE ngokulambisa iphoyisa lihlaselwa ngesikhathi lilinde itekisi. ISITHOMBE: SITHUNYELWE
NOMCEBO NGEMA
KULINDELEKE ukuthi avele enkantolo maduze umsolwa ozume iphoyisa waliklabha ngembazo ikhanda, eCape Town, izolo, ngesikhathi
lilinde itekisi.
Kuthiwa elinye iphoyisa ngesikhathi libona uzakwabo ehlaselwa, libe selizama ukubadubula emoyeni umsolwa wabaleka wayongena kwenye imoto ebimlindile.
Leli phoyisa libe selisondela kubasolwa abahlulekile ukudumisa imoto, baphume emotweni babaleke ngezinyawo bashiya imoto yabo.
Amaphoyisa aqale umkhankaso wokufuna abasolwa abathathu aze abathola, bakhalelwa amasongo kaSigonyela. Laba basolwa baneminyaka engama-23 ubudala, oneminyaka engama-25 ubudala nowesifazane oneminyaka engama-23 ubudala.