ISIPESHELI SAMATHIKITHI OMJAHO WAMAHHASHI I-HDJ

KUNGESIKHATHI kuthulwa ngokusemthethweni i-Hollywood Durban July kulo nyaka. ISITHOMBE: HDJ

NOMCEBO NGEMA

UNGAPHUTHELWA yisipesheli samathikithi eHollywood Durban July, njengoba etholakala ngamanani aphansi
eTicketpro.
Lo mjaho ohlanganisa amahhashi nengqephu yakanokusho kosaziwayo, uzokuba mhla ziyi-4 kuNtulikazi eGreyville Racecaurse, eThekwini.
Lo mjaho ungeminye yemicimbi obeka iNingizimu Afrika kwibalazwe, kulonyaka uhlanganisa iminyaka eyi-130 wesungulwa.

Isiqubulo salo nyaka sithi “County Allure”, okuyisiqubulo esikhuthaza abasiki bengqephu, abathandi bemfashini ukuthi bakwazi ukuhlanganisa ingqephu yakudala nobuhle bokugibela amahhashi.
“Silindele ubukhazikhazi obumangalisayo futhi obuzoshiya umaka omuhle. Amathikithi aseyatholakala eTicketpro ngo-R250 kulabo abazophuthuma bayowathenga, leli thikithi uzobuka ngalo umjaho, uthole okuya ethunjini, iziphuzo uphinde ungene ngalo kwi-after party kanjalo nakwi-tote. Amathikithi endawo ehlala omtakabani (VIP) nawo azotholakala eTicketpro. Ithikithi lokupaka imoto lingu-R170 kanti wona azotholakala egolf caurse futhi lizophinde likuvumele ukuthi ungene eDLI Avenue,” ngokusho isitatimende esithunyelwe kwabeHollywoods bet.

AbakwaHollywood Durban July baphinde bagcizelela ukuthi lamathikithi kaR250 azoba ile mali isikhashana esincane, ebese eba uR280.