I-AFRO SOUL IKHIPHE INGOMA ESHISA IZIKHOTHA

AFRO SOUL. ISITHOMBE: SITHUNYELWE

MABUNHLE MLABA

IQEMBU lomculo we-AfroSoul likhiphe ingoma entsha eshisa izikhotha yothando esihloko sithi, ‘ Ngimthandile’ ngempelasonto.
Le ngoma yethulwe okokuqala kubabukeli abambalwa ngesikhathi somcimbi wokunikezela ngomfundaze, owasekwa yiHollywoodbets.
Bayishumi abafundi abahlelelwe ukuqala izifundo zabo ngonyaka ozayo esikoleni sokufundela ukulingisa nokucula e-Ikabawo Academy.
Lo mcimbi wenzeke eDurban Music School (DMS). Leli qembu libunjwe uThandeka Zulu noSabelo Ngema.
Sabelo Ngema uyindodana yenkakha kwezeshashalazi nasemculweni uDkt Mbongeni Ngema ongasekho emhlabeni.