UGWETSHIWE OWESIFAZANE OWABULALA INGANE (5) NGENXA YOKUZONDA UNINA
INKANTOLO ePhakeme eThekwini igwebe uSibongile Ngwadla owabulala uSimphiwe Xaba ngonyaka odlule. ISITHOMBE: FACEBOOK
NOMCEBO NGEMA
INKANTOLO ePhakeme eThekwini , igwebe uSibongile Ngwadla oneminyaka engama-40 ubudala waseMlazi, iminyaka engama-25 ebhadla ejele, ngecala lokuthumba nokubulala uSimphiwe Xaba owayeneminyaka eyi-5 ubudala ngonyaka odlule.
USibongile ulivumile icala lokubulala uSimphiwe, wathi wayeyala umama wengane ongumakhelwane. Uthe uSimphiwe wamklinya wamfaka emfuleni wagwiliza washona, maqede wafuna imali engango-R60 000 kumama wakhe. INkantolo imgwebe iminyaka engama-25 ebhadla ejele, emihlanu eyecala lokuthumba, emithathu yokufuna inkokhelo.