UNTULI UZOHLANGANISA AMAQEMBU EZEPOLITIKI

AKHONA DLAMINI

UNDUNANKULU waKwaZulu-Natal, uThamsanqa Ntuli, uzohlanganisa abamele amaqembu ezepolitiki KwaZulu-Natal, e-Archie Gumede Conference Centre, eMayville , ngenhloso yokuvuselela ikomidi le Multi-Party Political Intervention Committee (MPPIC), ngaphambi kokhetho lohulumeni basekhaya lwango-2026.

Leli komidi lasungulwa ngonyaka ka-2011 ngenhloso yokukhuthaza ukubekezelelana kwezepolitiki, inkulumo ezakhaya nokuthula ukuze kube nokhetho olukhululekile nolungenagcobho.

UNtuli uzohola lo mhlangano elekelelwa abakwa IEC, uMnyango wezokuBusa ngokuBambisana nezeziNdaba zoMdabu, uSAPS, iState Security Agency nabamele amaqembu ezepolitiki.