ISILO SESILUMEMEZELE USUKU LOMKHOSI WOMHLANGA
ISILO uMisuzulu kaZwelithini. ISITHOMBE: KZNDSAC
USUSEMOME owoMkhosi woMhlanga izokuba esigodlweni seSilo uMisizulu KaZwelithini, eMashobeni, kusukela mhla ziyi-12 kuya ziyi-13 KuMandulo .
UMKHOSI woMhlanga wangonyaka owedlule, okwakungowokuqala ubanjelwe eMashobeni, ufuduka esigodlweni seSilo esabuzayo uZwelithini KaBhekuzulu, eNyokeni ISITHOMBE: NEWS 24
OWAMI THABETHE
AKUSENSUKU zatshwala amatshitshi abuthane esigodlweni seSilo esibusayo uMisuzulu kaZwelithini eMashobeni, kulandela ukuthi iNdlulamithi isilumemezele usuku loMkhosi woMhlanga, ozokuba mhla ziyi-12 kuya ku-13 oPhongolo.
UMkhosi woMhlanga okungowesibili wenziwa kulesi sigodlo, njengoba ubuwenziwelwa eNyokeni KwaNongoma, esigodlweni seSilo esabuzayo uZwelithini KaBhekuzulu phambilini, izintombi-nto zizobe zihlangene khona ziyobungaza ukuziphatha kahle kwazo. Lo mkhosi ungomunye wemikhulu esizweni sakwazulu, odonse amehlo omhlaba wonke, ohanjelwa amazwe ahlukahlukene, ogujwa minyaka yonke ngenyanga kaMandulo.
Lo mcimbi wenziwa Indlunkulu KaZulu ngokubambisana nehhovisi likaNdunankulu eliholwa uNdunankulu uMnuz Thamsanqa Ntuli, noMnyango wezeMidlalo ubuCiko namaSiko KwaZulu-Natal oholwa uMnuz Mntomuhle Khawula.
