KUZOBUNGAZWA ABESIFAZANE BEZIMO EZIPHUTHUMAYO E-VRYHEID
KUZOBUNGAZWA abesifazane abasemkhakheni wezimo eziphuthumayo . ISITHOMBE : UMASIPALA WABAQULUSI
OWAMI THABETHE
IZOVALWA ngenothi eliphezulu inyanga yabesifazane eVryheid, kulandela ukuthi uMasipala waBaQulusi, eqome ukwenza umcimbi wokuqhakambisa igalelo labesifazane, abasebenza emkhakheni wezimo eziphuthumayo, i-KwaZulu-Natal Province Women in Emergency Services Conference.
Lo mcimbi uzokuba namuhla ngoMgqibelo ngomhlaka-29 Ncwaba 2026, ngehora le-10:00 ekuseni, e-The Water Wheel Wedding & Conference Venue, eVryheid.
IMeya kaMasipala waBaQulusi uCllr Sifiso Mkhwanazi, uthe
ngalo mcimbi bahlose ukubungaza nokukhuthaza abesifazane abasebenza emkhakheni wezimo eziphuthumayo okubalwa izicishamlilo, amaphoyisa nabanye.
“Laba besifazane bama phambili kwezokuphepha komphakathi, sekuyisikhathi sokuthi umsebenzi wabo obalulekile kubongwe. Sibonga iqhaza abalibambayo ekuphephiseni umphakathi phambili,” kubeka iMeya uMkhwanazi.
Ube esemema wonke umphakathi nababamba iqhaza ukuthi babe yingxenye yalo mcimbi, obalulekile wokunika amandla abesifazane.
