ABEZEMVELO BAGIGXABEZE UNYAZI NGEZIPHO

UMBIKO:ANDISWA MCHUNU

ABEZEMVELO Wildlife bagigxabeze umholi webandla lamaNazaretha ohlangothini lwaseBuhleni iNkosi Mduduzi ‘uNyazi ‘ Shembe, ngesikhathi bezoqinisa amaxhamu nokugqugquzela ukongiwe kwemvelo
UMnuz Sihle Mkhize oyisikhulu esiphezulu kwaWildlife, okuyinhlangano eyengamele ukongiwa kwemvelo, uthi inhloso yabo yokuhambela leli bandla, ukuqinisa ubudlelwane ngenhloso yokuhlaba ikhwelo lokongiwa kwemvelo.
“ Sivakashelwe uNyazi ngenhloso yokubambisana ukugqugquzela ukongiwa kwemvelo. Yingakho senze uhambo namanazaretha olusuke kwaHlabisa lwaze lwayophelepha esiqiwini eHluhluwe, “ esho.
Uthi likhulu iqhaza elingabanjwa ngabezenkolo ukulekele ekongiweni kwemvelo nokuvikela iziqiwi.
“Kuningi abaholi bezenkolo esifisa basilekelele kukhona ikakhulukazi izinhlelo zokongiwa kwemvelo, ukukhuza isihlava soludlova esiqiwini, ukuzingela ngokungemthetho nesihlava sokubulawa kobhejane, “ ebeka.
Uveze ukuthi imikhankaso yokunxusa ukongiwa kwemvelo nokuvikela iziqiwi bazoqhubeka nayo.
Abaphathi besiqiwi baphe uNyazi izipho kuveza uphawu lokumhlonipha.