ABE-KASI LAMI BAHABULISE AMACIKO NGOLWAZI E-K-CAP

U-PHILANI ‘Splash’ Ngwenya umsunguli weKasi Lami. IZITHOMBR: IKASI LAMI

SANDILE MAKHOBA

ANCELE embeleni ogwansile amaciko ase-INK, abehlangene eK-Cap emcimbini obuhlelwe abe-Kasi Lam events, ngenhloso yokuthuthukisa amaciko nokwenza imicimbi ezokwandulela i-InKasi Xperience.
Lo mcimbi obizwa nge-Artist Business Empowerment inhloso yawo bekuwukucobelela amaciko asafufusa ngolwazi olunzulu ngomkhakha wawo.
Phakathi kwezikhulumi ebezinohlonze kubalwa uMnu Philane Splash Ngwenya , uZakwe, uSandile Mabanga, bonke bagcizelele inhlonipho, bathe sibalulekile ukuze umuntu aye phambili .
“Amaciko kufanele aqonde ukuthi inhlonipho ingumphako ongaboli kodwa ekuvulela amathuba okukhulu nokuya phambili,” kubeka Splash.
Lo mcimbi uyinkonyane le-InKasi Xperience eyenzeka njalo ngoZibandlela (December) . Kulo nyaka kulindeleke lukhulu njengoba usuqalile ukumaketha nge-Scorpion Kings , Mahoo, nabanye. Amathikithi azomenyezelwa maduze