ISIKHULU SE-SUNDOWNS EZIFUNDWENI ZOKUQEQESHA

MABUNHLE MLABA

USEFINGQE imikhono wakhetha ukuyofunda kabanzi ngomsebenzi wokuqeqesha umphathi weMamelodi Sundowns uThlopie Motsepe osesithombeni .
UMotsepe uyingxenye yabanye abaqeqeshi abayi-30 abafuna ukuzithuthukisa ngolwazi lwebhola kanye noKenneth Simmons oyindodana kaJessica Motaung ongesinye sezikhulu zeKaizer Chiefs. Baqeqeshelwa ngaphansi kwesigaba se SAFA C Coaching License eqale ngempelasonto nezophela kule mpelasonto esiya kuyo.
UMotsepe uqale ngo-D Coaching Lence awenza ngaphansi kweSAFA Ekurhuleni ngo 2023. Kulezo zifundo kwabonakala noKaitlin oyindodakazi yoqweqwe lomqeqeshi uGavin Hunt. USimmons yena usebonakale kaningi uma kudlala iChiefs emidlalweni ye-Under-17 Gauteng Development League Cup ngonyaka ka-2023 .
Omunye umuntu obonakalile kulezi zifundo ezizophele ngempelasonto uVirgil Vries owazakhela igama evimba kwiMaritzburg United nakwiChiefs. Ugcine ukudlala kwiLa Masia egencwe izembe kuMotsepe Foundation Championship.