IBAFANA IZIGWAZELE IBHECE KWELASE-ZAMBIA
IZIGWAZELE ibhece iBafana Bafana iguqisa iZambia kumdlalo wobungani eQqeberha.ISITHOMBE: Hollywoodbets Blog
MALIBONGWE MAZIBUKO
IBAFANA Bafana izigwazele ibhece ishaya iqembu lebhola laseZambia, ngamagoli amathathu kwelilodwa (3-1) emdlalweni wobungani wokuzilungiselela i-Africa Cup of Nations, ezoqala ngenyanga ezayo.
Lo mdlalo obuphakathi kweNingizimu Afrika neZambia ububanjelwe enkundleni yezemidlalo iNelson Mandela Bay eQqeberha ngehora lesithathu ntambama.
Abadudleke enethini lawa magoli amathathu eqenjini leBafana okubalwa kubo u-Oswin Appollis ngesiwombe sokuqala, kwalandele uMohau Nkota, kwathi uSphephelo Sithole ngesiwombe sesibili.