ITHEKU LIBE NGUMAKHONYA EMIDLALWENI YAMA-SALGA
UMBIKO: ZETHU PHOSWA noBUSISIWE ZONDI
ITheku lizigwazele ibhece, lenza elidume ngalo lokuwola izindondo eziningi emdlalweni wamaSALGA KZN DSAC Games 2024.
UMkhandlu weTheku
unqobe izicoco ezingu-80 sekuhlanganiswe zonke izinhlobo zemidlalo.
Le midlalo ivalwe ngendumezulu yomcimbi eNkosi Albert Luthuli International Convention Centre eThekwini.
ITheku linqoba inqwaba yezicoco nje ilona ebelisingethe amaSALGA KZN DSAC Games kulo nyaka, ligile okufanayo nelakwenza ngonyaka owedlule eKing Cetshwayo.
Lo mcimbi uvalwe ngokusemthethweni uNdunankulu waKwaZulu-Natal uThamsanqa Ntuli, okuyilapho ebonge abazali bezingane ngokuzidedela zibe yingxenye yale midlalo.
Le midlalo ibivulwe ngokusemthethweni uNdunankulu waKwaZulu-Natal uNtulu ngoLwesine , eMoses Mabhida Stadium .