KUNCONYWE UMCHUNU NGESU LOKULWA NOBUGEBENGU OBUHLELIWE
UMBIKO: AKHONA DLAMINI
USHAYELWE izandla uNgqongqoshe wamaPhoyisa kuZwe lonke uMnuz Senzo Mchunu, kulandela ukuthi kwethulwe amasu amasha, okulwa nokubhekana nobugebengu obuhleliwe.
Umbutho wamaphoyisa (i-SAPS) usuqale uhlelo lwamasu yezinsuku ezinhlanu ePitoli, egxile ekwakhiweni kohlelo lokulwa nobugebengu obuhleliwe bamazwe ngamazwe.
Lolu hlelo luqale ngoMsombuluko mhla zi-3 luzophothulwa ziyi-7 March 2025, luhlanganisa izazi nongoti bezokuphepha ukuze kubhekwane nobugebengu kubalwa ukushushumbiswa kwezidakamizwa, ukwanda kwezibhamu, ukungena kwabantu bakwamanye amazwe ngokungemthetho, ubugebengu be-intanethi nokwebiwa kwezimoto esifundeni se-Southern African Development Community (SADC).
U-General Fannie Masemola, uKhomishana Kazwelonke we-SAPS, ugcizelele isidingo sokuthuthukiswa kokubambisana, izinsiza, nobuchwepheshe, ukuze kuliwe nobugebengu.
“Impumelelo yakamuva ehlanganisa ukuboshwa kwabashushumbisi bezidakamizwa abangaphezu kuka-20 esikhumulweni sezindiza i-OR Tambo International.Ukushaqwa kwezigidi zamarandi ezidakamizwa. Lolu hlelo luhlose ukuqinisa ukulawulwa kwemingcele, ukuthuthukisa ukwabelana ngezobunhloli, nokwenza ngcono ukusebenzisana nezikhungo zomthetho zesifunda nezamazwe ngamazwe,” esho.
Kulolu hlelo olushayelwe izandla abanye abayingxenye yayo kubalwa u-Advocate Vusi Pikoli, uDkt Masiapato weBorder Management Authority nezinye izikhulu eziphezulu zakwa-SAPS.
Leli lisu lizogxila emaphoyiseni, ezokuphepha ezingcono emingceleni, nokwakhiwa kwamakhono ukuze kuqinisekiswe impi eqinile yokulwa nobugebengu obuhleliwe.
Abantu baluthakasele kakhulu ngisho ezinkundleni zokuxhumana lamaphoyisa nakwelikaNgqongqoshe ku-twitter