UHLWITHWE ENGAVIKILE UMBAYIMBAYI KWESE-DUNDEE JULY
UMBIKO:ZETHU PHOSWA
Umusamedia1@gmail.com
LISHAYWE ngenduku yamavaka ihhashi umbayimbayi, ngesikhathi lephucwa isicoco seDundee July 2025, njengoba belingekho ohlwini lomqhudelwane omkhulu, abelizovikela kuwo isicoco salo.
Ihhashi umbayimbayi ogitshelwa uMelusi Gamede uhlwithwe isicoco elele phansi ihhashi umpendulo ibeligitshelwe uZakhele Mkhabela.
Lo mjaho obuseDundee ngaphansi koMkhandlu uMzinyathi, ubuhlelwe ngokubambisana noMnyango wezeMidlalo, ezobuCiko namaSiko oholwa uMnuz Mntomuhle Khawula ngokubambisana nabasunguli balo mjaho iminyango kahulumeni nosomabhizini.
Bekukuhle kusindwe ngobethole njengoba kuqalwe amalungiselelo ngokuthi kucijwe intsha ngokucotshelelwa ngolwazi, ngokuphathwa kwamahhashi.
NgoLwesihlanu kube nomcimbi wokuviliyela obekunguwo wokwandulela umcimbi omkhulu, amahhashi, abemfashini nabatshali-mali bebeviliyela, kukuhle kudelile.
Ngosuku lwesigameko beziwa ziphohloka, amaphanta abejabule, abathandi bobumnandi nabathandi bemfashini.