SIBUSISO SEMVULA KO-LEMBE

AKHONA DLAMINI

UZULU udele imvula kugujwa uMkhosi weLembe KwaDukuza izolo.
ISilo uMisuzulu kaZwelithini uthe inhloso yalo mcimbi ukukhumbula iNkosi iLembe eyahlanganisa isizwe samaZulu yasicija ngamasu nobuchule.
UNdunankulu waKwaZulu-Natal uMnuz Thamsanqa Ntuli, uthe benguhulumeni bayazibophezela ukweseka imicimbi kaZulu.
Uthe likhulu iqhaza elabanjwa iLembe ekuhlanganiseni isizwe samaZulu.
“Lo mkhosi uyisikhumbuzo esibalulekile sezimpande zesizwe. Namuhla siyisizwe esizigqajayo ngobuthina ngenxa yeLembe ,” kusho uNdunankulu.