ITHEKU LUZONIKA ABESIFAZANE ITHUBA KUMCULO KA-MASKANDI
ABESIFAZANE abangaphansi kaMasipala weTheku, bazomthola ithuba lokuthuthukisa ikhono emculweni kamaskandi. ISITHOMBE: ETHEKWINI MUNICIPALITY
AKHONA DLAMINI
UMASIPALA weTheku uzosingatha inhlolokhono, ngenhloso yokunikeza abesifazane ithuba lokukhombisa amakhono wabo emculweni kamaskandi. Lolu hlelo oluzobizwa ngeWomen in Maskandi Festival lizobanjelwa eStable Theatre eThekwini, ngoMgqibelo nangeSonto, mhla zingama-22 no-23 kuNcwaba 2026, kusukela ngehora lesi-09h00 kuya ku-16h00.
Abesifazane abaneminyaka ephakathi kweyi-18 ku -35, bayamenywa ukuthi bazokhombisa ithalente labo. Abazongenela bazohlolwa ngabaculi asebemnkantshubomvu endimeni, okubalwa kubo uPhuzekhemisi, uDkt Buselaphi, uTalent Mbatha noZimdollar. Kuzobhekwa ikhono lokucula, ubuciko, umdanso, nokuthi awusabi yini ukuba sesiteji.
