ISILO SINGONYULUKA NGOKUYEKA UTSHWALA

ISILO uMisuzulu kaZwelithini sithi sasizwa ukukholwa ukuze siyeke uphuzo oludakayo. Isithombe: Facebook.

NOMCEBO NGEMA

ISILO uMisuzulu kaZwelithini sibhoboke ngokuyeka kwaso utshwala,sathi kuzokwenza umehluko noshintsho okumkhulu empilweni yaso.
INdlulamithi ikusho lokhu ngesikhathi imenywe kwiPodcast uNhlaka Production, esakazwe ezinsukwini ezimbili ezedlule.
Siveze ukuthi akuzange kube lula, kodwa ukukholwa yikona kanye okusenze sakwazi ukumelana nalesi simo.
“Ukukholwa kwangisiza ngoba nami ngangiphila impilo efana nayawonke umuntu futhi nje ngiwumjita. Ngasizwa ukuthi ngesikhathi ngingena esihlalweni ngathatha ukholo, njengoba sasidinga ukuthi ngibe ngcwele,” kusho iNdlulamithi.

INdlulamithi ithi kwaba buhlungu ukuhlukana namabhodlela, iphinde yakhuthaza abantu ukuthi abakholwe ukuze kuzoba noshintsho empilweni yabo.