IPHENDUKE ISILOMO INTOKAZI ENCANE YASE-RICHMOND

AMAHLE Mbhele ongusonkondlo ehaya inkondlo, ngalowo owayenguMengameli wakuleli uDkt Nelson Mandela. ISITHOMBE: THABISO MJOKA

NOMCEBO NGEMA

KUCHWAZE inkundla intombazanyana ihaya inkondlo, ngalowo owayenguMengameli waseNingizimu Afrika, uDkt Nelson Mandela, kwavuka uhlevana, ngesikhathi kwethulwa ngokusemthethweni Indaleni Library ngoMgqibelo, enkundleni yezemidlalo emidlalo, Indala High School Sport Field.

U-Amahle Mbhele owenza ibanga lesithupha (Grade 8) eHuba High School, uthathe amehlo abaningi, waphenduka isilomo, ngenkondlo yakhe ekhuluma ngowayenguMengameli wakuleli uMnuz Nelson Mandela.

U-Amahle kwinkondlo yakhe uphinde agxibhe abafundi abaphelelwa inhlonipho kothisha, nabagakuboni ukubaluleka kwemfundo eyalwela ngonyaka ka-1976,eyadlula nemiphefumulo.
Ukhulume ngokubaluleka kokuvikelwa kwabesifazane nezingane.