USEZIMELE OBECULA KWI-SPIRIT OF PRAISE

UNTOKOZO Jodwana uzokhipha isingili yakhe.

ZETHU PHOSWA

UKHIPHA ulozolo lwesingili yakhe yomculo wokholo, ocijwe yiWomen of Praise neSpirit of Praise, uNtokozo Jodwana.
UNtokozo ukhiphe lesingili yakhe, esihloko sithi Ngcwele, ngokuzimela izolo ngoMgqibelo.
Uthi lesingili iyingxenye yohambo lwakhe esezimele, kanti yingoba ezovuselela ithemba kubantu, njengoba igcwele indumiso.
“Ngifunde eMusic Academy of Gauteng ngaphansi kukaDkt Johnny Mekoa ongasekho. Bengifunda izifundo zomculo okuyiMusic neBroadcasting Engineering, ngenhloso yokuthuthukisa ikhono lo umculo ngezobuchwepheshe, “ kubeka Ntokozo .
UNtokozo useke wasebenzisana nezingqalabutho emculweni okubalwa uThemba Mkhize, uKhaya Mahlangu, uLetta Mbulu, uBongani Radebe, uBenjamin Dube, uSipho Ngwenya noCollen Maluleke.
Le ntokazi isike yacula ngisho nabaculi baphesheya.