INKANDLA ILALE ISIBILI KUMNCINTISWANO WEZOBUCHWEPHESHE

IMEYA kaMasipala waseNkandla uCllr Nonhlanhla Nzuza, ibongela abafundi baseMthiyaqwa Secondary School.

IMEYA uCllr uNzuza nomfundi wasesikoleni iMthiyaqwa Secondary School. ISITHOMBE: NKANDLA MUNICIPALITY

NOMCEBO NGEMA

IMEYA kaMasipala waseNkandla uCllr Nonhlanhla Nzuza, ihalalisela abafundi baseMthiyaqwa Secondary School ngokulala isibili kumncintiswano owaziwa ngeSALGATECH GAMES.

Laba bafundi bebemele uMasipala waseNkandla ongaphansi koMkhandlu iKing Cetshwayo District. Uqeqesho lwezobuchwepheshe lokuzilungiselela lo mncintiswano bebeluthola kumtapo wolwazi eNkandla.

“Baningi oMasipala ebebebambe iqhaza kulomqhudelwano wezobuchwepheshe besimanje esingabala kubona uMngeni, iNquthu, uLundi, Big 5 Hlabisa, uMaphumulo , uMkhambathini nabanye nakuba kunjalo abafundi baseMthiyaqhwa Secondary School bakwazile ukuncintisana kwiCoding and Robotics, 3D Printing, Game Development and App Development, bakwazi ukubamba indawo yesibili (position 2),” kusho uMasipala waseNkandla.