UZOVELA ENKANTOLO NGOLWESITHATHU UJUB JUB
UJUB Jub okhalelwe amasongo kaSigonyela izolo ekuseni. ISITHOMBE: FACEBOOK
NOMCEBO NGEMA
UZOVELA ngoLwesithathu eNkantolo kaMantshi eGermiston, eGoli umrepha wakuleli ophinde abe umethuli wohlelo lukamabonakude uYajola99, uMolemo “Jub Jub” Maarohanye oneminyaka engama-45 ubudala.
Lokhu kulandela ukuboshwa kwakhe izolo ekuseni ngezinsolo zokuthumba umshayeli wezimoto ezikhokhelwa ngokwebanga (Bolt), emsola ngokuthandana nentombi yakhe nokudubula esidlangalaleni.
Kuthiwa umshayeli ka-Bolt ukwazile ukubaleka engenamyocu wayobika emaphoyiseni. Amaphoyisa abe esebopha uJub Jub.