ABAKWASHUKELA BAGUBHE IMINYAKA EYIKHULU NGOKUZIQAJA
UMBIKO: ANELE ZUMA
umusamedia1@gmail.com
UKUQHAMUKA nezindlela ezintsha zokwenza ucwaningo ngotshani ikakhulukazi ngomoba, kwenze abakwaShukela bagubhe iminyaka eyi-100 yasungulwa ngokuziqhenya nokuziqaja.
I- South African Sugarcane Research Institute (SASRI)
igubhe le minyaka ngokuziqhenya ngokuqhamuka nezinto ezintsha neminikelo, emcimbini obukwaShukela eMount Edgecombe ngoLwesibili.
I-SASRI phambilini ibigxile ekulweni nezinambuzane ezithikameza ukukhiqizwa kukashukela kuphela.
Emashumini eminyaka adlule, iye yavela yaba yindawo yocwaningo eyaziwa umhlaba wonke, ebeke iNingizimu Afrika kwibalwezwe kwecwaningo.
UMnuz Shadrack Moephuli, ongu Director we-SASRI ugcizelele indima abayiklamayo ekuthuthukiseni izinhlobonhlobo zikashukela, ezihambisana nezimo zezulu ezahlukahlukene.
Uthi baqhamuke nezindlela ezintsha zokukwazi ukumelana nesimo sezulu esiguquguqukayo , kusuka kwisomiso kuya ezitshalweni ezibekezelela lamakhaza ezifundeni ezisogwini.
“Ukunika abantu abasha amandla kuhlala kuyinto esizibophezele kwaSASRI. Kulesi Sikhungo sibandakanya ososayensi abasebasha ngokusebenzisa ama-internship nezinhlelo zokuqeqesha kwezolimo ezidijithali, i-bio-informatics nocwaningo lwezakhi zofuzo,” esho.
UKwanele Msele,ongumfundi weziqu zeMasters e-University of KwaZulu-Natal, wabelane ngomsebenzi wakhe ngotshani obuguqulwe izakhi zofuzo obenzelwe ukumelana negciwane le-2PT. “Ubuchwepheshe buyazishintsha ezolimo,” esho.
Ube esekhombisa ngezinto ezintsha ezobucwepheshe
abaqhamuke bazozifaka okubalwa kuzo ogandaganda abazishayelayo nokuqapha insimu okusekelwe ku-drone, okunciphisa izindleko.
