OWAHLULEKA UKUTHENGA I-ROYAL AM USUNGULE EYENDEBE
UMBIKO: MABUNHLE MLABA
BAKUBA hluleka ukuthenga iRoyal AM kodwa lokho akumqedanga uthando lwebhola uMbuz Ray Moodley, kulandela ukuthi esungule umqhudelwano wendebe yemidlalo yebhola.
Lo somabhizinisi uthi uzibophezele ekufukuleni intsha yaKwaZulu-Natal njengoba esesungule iRoy Moodley Legacy Cup ezodlalelwa eHoy Park, ngempelasonto.
Uveze ukuthi ubeke isiteki sikaR60 000 samaqembu azobe egadulisana, ozohlwitha indebe uzothola uR30 000 ozolala isibili uzothola u R15,000.
UMoodley uke waba sematheni ezama ukuthenga iRoyal AM neSuperSport United egcine ithengwe indodana kaNgqongqoshe wezamaCiko,ezeMidlalo nezokuNgcebeleka uGayton McKeinze.
“Ngokwami ezemidlalo zenza ukuthi intsha ingagxili ezidakamizweni njengoba izohlale imatasa ngokudlala,” esho.
Uthe ngale mizamo ufuna ukukhombisa uthando analo ngebhola kodwa usezogxila ekufuqeni umfutho wokuvumbulula amakhono.