SEKUQUBUKE E IMIBUZO NGOKUSHONA KUKA-NATHI MTHETHWA
ZETHU PHOSWA
SEKUQUBUKE IMIBUZO nokuqagela ngokushona kwalowo obeyinxusa eFrance uMnuz Nathi Mthethwa.
UMnuz Mthethwa kuthiwa utholakale edindilizile ehhotela lase France nokungaqondakali ukuthi ushone nini.
Ngokubika kweFrench media bathi uMthethwa lokhu eduke ngoMsombuluko, umzimba wakhe utholakale namuhla.
Isitatimende esikhishwe uNgqongqoshe Ronald Lamola ukuqinisekisile kudlula emhlabeni kuka Mthethwa.
“Imbangela yokushona kwakhe ayikaziwa. Abomthetho eFrance (French authorities) basaphenya ngokushona kukaMnuz Nathi Mthethwa, “ kusho uLamola.
UMnuz Mthethwa obeneminyaka eyi-58 ubudala, ubeqokwe ngonyaka owedlule ukuqhoqhobala isikhundla sokuba inxusa eFrance.
UMthethwa uke wasebeza kwiminyango eyahlukene okubalwa ukuba nguNgqongqoshe wamaPhoyisa kuzwelonke, waba uNgqongqoshe wezeMidlalo ezobuCiko namaSiko kuzwelonke.