UFUNISWA OKWEMALI OBEQEQESHA I-CHIEFS

UYINYAMA emaqenjini aseNyakatho ne-Afrika owake waqeqesha iChiefs.
ISITHOMBE: FarPost

MALIBONGWE MAZIBUKO

UFUNWA phansi phezulu amaqembu ase-Afrika obeqeqesha iKaizer Chiefs uNasreddine Nabi, njengoba sekunamaqembu ameshelayo ukuthi azosebenza nawo.
UNabi akakaqomi ndawo ngemva kokuthi alaxazwa iKaizer Chiefs ngenyanga eyedlule, ngenxa yokungenzi kahle nakuba akwazi ukwenza leliqembu liphakamise iNedbank Cup, yehlula imbangi i-Orlando Pirates.
Amaqembu asengqongqozile kunani kubalwa i-Esteghlal F.C egijima kwi Persian Gulf Pro League, elase-United Arab Emirates iSharjah F.C esihambise isicelo kuye, neqembu langakubo eTunisia i-Etiole du Sahel namanye aseLibya.
UNabi wakubeka obala ngenkathi eshiya kwiChiefs ukuba usabuyela ekhaya ukuyobhekana nezomndeni, akakazimiseli ukubuyela ekuqeqesheni okwamanje njengoba kuke kwangena unkosikazi wakhe engozini ezinyangeni ezedlule.