KUYIHAMBELA KAHLE INJAMPELA KWEYE-ABC MOTSEPE
LINQOBE ngesitayela iqembu leNjampela FC e-Edgewood Campus, eThekwini izolo. Esithombeni abalandeli beNjamprla FC
ISITHOMBE: Mangosuthu Cup
MALIBONGWE MAZIBUKO
INJAMPELA FC imamatheke yodwa ngesikhathi iguqisa iDurban Pioneers FC ngamagoli amabili eqandeni (2-0) emdlalweni we-ABC Motsepe League obudlalelwa e-Edgewood Campus Stadium, eThekwini, izolo ngehora lesithathu ntambama .
Ukuzimisela kweNjampela kubonakale kusukela ekuqaleni komdlalo, kanti ukunqoba amaphuzu amathathu abalulekile ashukumise ithemba labalandeli, ukuthi iqembu lizogcina liqeda endaweni enhle kwiLog kulesizini.
Abafana basekuthuleni bahlezi endaweni yesithathu ngamaphuzu ayi-19 emidlalweni eyi-9, ilingana neqembu Ulundi United ehlezi endaweni yesibili.