SIZOLALELWA NGOLWESINE ISICELO SEBHEYILI SOSOLWA NGOKUBULALA UDJ WARRAS
UVICTOR Majola osolwa ngokubulala uDJ Warras ngoZibandlela ngonyaka odlule. ISITHOMBE: FACEBOOK.
NOMCEBO NGEMA
KUHLEHLELE uLwesine oluzayo ukulalelwa kwesicelo sebheyili kaVictor Majola oneminyaka engama-44 ubudala , osolwa ngokudubula abulale umsakazi ophinde abe umethuli wezinhlelo kumabonakude uDj Warras, enkabeni yedolobha eGoli ngoZibandlela ngonyaka odlule.
UVictor ubevele izolo eNkantolo kaMantshi yaseGoli ephelezelwa ummeli wakhe.
Ummeli utshele inkantolo ukuthi umfanekiso oqoshwe iCCTV ubalulekile ukuze ikhasimende lakhe likwazi ukufaka isicelo sebheyili.
Uthi ikhasimende lakhe aliveli nakancane kulomfanekiso oqoshiwe we-CCTV, yebhusha elibude buduze nendawo yesigameko .
Uveze ukuthi inkantolo ayikwazi ukuthatha isinqumo ingawubhekile lo umfanekiso, ngoba uzobasiza ukuqinisekisa ukuthi ulwazi olulethwe umphenyi wecala luyiqiniso yini.
Ukulalelwa kwesicelo sebheyili kube sekuhlehliselwa uLwesine ukuze inkantolo ibuke lo mfanekiso.