UGWETSHWE IMINYAKA EMIHLANU EBHADLA EJELE UMENGAMELI WE-EFF
UMENGAMELI we-EFF uMnuz Julius Malema ogwetshwe iminyaka emihlanu ebhadla ejele. ISITHOMBE: EFF
NOMCEBO NGEMA
UGWETSHWE iminyaka emihlanu ebhadla ejele, waphinde wayalelwa ukuthi akhokhe isamba semali engu-R60 000 yamanye amacala uMengameli weqembu lezepolitiki i-Economic Freedom Fighters (EFF), uMnuz Julius Malema. Lokhu kwenzeke namuhla eNkantolo yesiFunda e-East London.
Leli cala agwetshelwe lona uMalema elangonyaka ka-2018 lokuqhumisa isibhamu emcimbini wokugubha iminyaka yaleli qembu lasungulwa, eSisa Dukashe Stadium. Ngonyaka ka-2025 inkantolo yamthola enecala lokuba nesibhamu ngokungemthetho, ukuqhumisa isibhamu endaweni enabantu kanye nokubeka impilo yabanye engozini.
Namuhla inkantolo imgixabeze ngeminyaka emihlanu ebhadla ejele, yaphinde yamlayela ukuthi akhokhe imali engango-R60 000 wezindleko zamanye amacala.