USINDE NGOKULAMBISA OWESIFAZANE OZITHWELE

ABEZIMO eziphumayo besendaweni yesigameko ePort Edward Main Beach. ISITHOMBE: FACEBOOK

NOMCEBO NGEMA

USINDE ngokulambisa owesifazane oneminyaka engama-30 ubudala okhulelwe ngesikhathi edutshulwa ePort Edward Main Beach.

Abezimo eziphumayo bathi lesi sigameko senzeke ngezithuba zabo-22:30 ngoMsombuluko ebusuku ngesikhathi kuqubuka ingxabano endaweni yokupaka izimoto.

Okhulumela abezimo eziphumayo uChris Botha uthi lo wesifazane ozithwele unezinyanga ezine. Uthi inhlamvu ingene emhlane yaphuma esiswini, yadala ukulimala okukhulu ngaphakathi emzimbeni.

Abezimo eziphuthumayo, okubalwa i-NSRI Station 32 kanye namaphoyisa, bafike kuqala endaweni yesigameko bazama ukuhlenga lo wesifazane. Ube esephuthunyiswa esibhedlela ukuze athole usizo oluphuthumayo.

Amaphoyisa athi ayaphenya ngalesi sigameko njengoba imbangela yaso ingakaziwa.