ASEBOSHIWE AMAPHOYISA ABEBHAXA OWESIFAZANE ESITESHINI
UMBIKO: BUSISIWE ZONDI
ALALE ebaliwe amaphoyisa odumo lwe-video, lapho ebebonakala ebhaxa owesifazane kanzima emagcekeni omsebenzi.
Lawa maphoyisa amabili esifazane i-video yawo ebisabalele kuyo ikhombisa behlukumeza owesifazane emshaya aze ambeka ibhuzu esifubeni.
Lawa maphoyisa aboshwe izolo eboshwa yi-Independent Police Investigative Directorate (IPID).
Kulindeleke ukuthi avele okokuqala enkantontolo yaseBloemfontein namuhla.
UMnu Senzo Mchunu onguNgqongqoshe wamaPhoyisa kuZwe lonke, usamukele ngezandla ezimhlophe lesi senzo sokuboshwa kwalamaphoyisa. UMchunu izolo ukhiphe isitatimende esibeka ngokusobala ukuthi akahambisani nalesi senzo samaphoyisa.