I-FC BARCELONA ISINQOBE ISICOCO SE-LA LIGA KULANDELANA
INQOBE isicoco seLaliga sekusele imidlalo emibili kuphele isizini iFC Barcelona.
ISITHOMBE: FC Barcelona
MALIBONGWE MAZIBUKO
IFC BARCELONA isiqinisekiswe njengompetha beLa Liga ka-2025/26, kusasele imidlalo emibili ukuthi isizini iphele, ngemva kokushaya izimbangi zayo ezinkulu, iReal Madrid, ngo 2-0 e-Camp Nou.
Lokhu kunqoba kuqinisekise ukubusa kweBarcelona kule sizini, esinamaphuzu angu-91 emidlalweni engu-35. Ivule igebe lamaphuzu ayi-15 phakathi kwayo neMadrid esendaweni yesibili.
Iqembu laseCatalonia lidlale ibhola elisezingeni eliphezulu kule sizini, likhombisa ukuzinza, ukuhlasela okunamandla kanye nokuvikela okuqinile isicoco seLa Liga, kwazise seliyithathe kabili kulandelana kanti emlandweni seliyithathe amahlandla angama-29.
Bekuyinjabulo yodwa eCamp Nou, kubadlali, abalandeli nabaphathi beqembu banikeze bazwelane nomqeqeshi, Hansi Flick, oshonelwe uyise izolo. Naphezu kobuhlungu abhekene nabo, uFlick uqhubekile nokuhola iqembu emibhiyozweni nokubungazela ukunqoba, kanti abadlali babhekise le ndebe kuye nomndeni wakhe.
IBarcelona manje izobhekisa amehlo emdlalweni wayo olandelayo neDeportivo Alavés ngoLwesithathu mhla ziyi-13 kuNhlaba, lapho izobe ifuna ukukhuphula amaphuzu ayo abeyi-94 ukuze baqhubeke nokukhombisa ukubusa kwayo ebholeni laseSpain kule sizini.