UBE YIMPUMELELO OWOKUCIJA AMATSHITSHI
UNDLUNKULU Nomzamo Myeni Zulu ekhuluma namatshitshi.
AMATSHITSHI abeqhamuka zinkalo zonke eyingxenye yekamu. IZITHOMBE: FACEBOOK
NOMCEBO NGEMA
IPHETHWE ngegiya eliphezulu inyanga yabantu abasha eSigodlweni eMachobeni, eNgwavuma, njengoba bekunekamu lezinsuku ezimbili lamatshitshi. Ikamu umcimbi oba minyaka yonke ohlelwa iSizowakha okaZulu Foundation, kaNdlunkulu Nomzamo Myeni Zulu, ngenhloso yokufundisa, ukuqondisa, nokukhuthaza amantombazane asemancane ukuthi aphile impilo enesimilo, ahloniphe amasiko aphinde azakhele ikusasa eliqhakazile.
Kulo nyaka besandile isibalo samatshitshi kunalesi esijwayelekile njengoba ebeqhamuke ezindaweni ezihlukene. UNdlunkulu uMaMyeni Zulu ugcizelele ukubaluleka kokuba msulwa, ukuzihlonipha nokuziphatha kahle kumatshitshi. Lo mcimbi ubuhanjelwe izinhlaka ezihlukene okubalwa kuzo uMnyango wezokuThuthukiswa koMphakathi, uMnyango wezeMpilo eNgwavuma, iZisize Foundation kanye namaphoyisa. Lezi zinhlaka zinikeze izinkulumo eziqwashisayo nezikhuthazayo ezihlose ukwakha intsha enesibopho nekusasa elihle.